१० भदौ, काठमाडौँ । भाद्र शुक्ल तृतीयाका दिनमा मनाइने हरितालिका (तीज) पर्व आज देवादिदेव महादेवको पूजा आराधना गरी मनाइँदैछ ।
भाद्र शुक्ल तृतीयामा व्रत बसी शिवको पूजा, उपासना गरेमा पारिवारिक सुख, शान्ति र कल्याण प्राप्त हुने धार्मिक विश्वास छ । तीज ब्रतको अघिल्लो दिन दर खाएपछि औपचारिक रूपमा शुरू भएको तीज पर्व ऋषि पञ्चमी सम्म मनाइन्छ ।
Advertisement
तीजको अवसरमा देशभरका शिवमन्दिरमा आज बिहानैदेखि भक्तजनको घुइँचो लागेको छ । विशेषगरी महिलाहरू सौभाग्यसूचक रातो पहिरनमा आराध्यदेव महादेवको दर्शन गर्न भक्तजन शिवमन्दिरमा पुगेका छन् ।
सत्ययुगमा कठोर व्रतको प्रभावले देवी पार्वतीले महादेव पति पाएको पौराणिक सन्दर्भलाई आधार मानेर परिवारमा सुख शान्ति र समृद्धिको कामना गर्दै यो व्रत गर्ने परम्परा छ ।
Advertisement
तीजको अवसरमा लुम्विनी प्रदेश सरकार अर्न्तगत आन्तरिक मामिला तथा कानून मन्त्रालयले आज प्रदेशभर सार्वजनिक विदा समेत दिएको छ ।
Advertisement
टिप्पणीहरू