२७ जेठ, बाँके । बाँकेको जानकी गाँउपालिका–३ स्थित लक्ष्मी फुटवेयर इण्डष्ट्रिजलाई दुई लाख रुपैँया जरिवाना गरिएको छ ।
वाणिज्य, आपूर्ति तथा उपभोक्ता संरक्षण कार्यालय नेपालगञ्जले बजार अनुगमनका क्रममा उक्त फुटवेयर इण्डष्ट्रिजलाई जरिवाना गरेको हो ।
Advertisement
अधिकतम मूल्य (एमआरपी) कायम नगरी जुत्ता चप्पल बजारमा विक्रि वितरण गरेको पाइएपछि जरिवाना गरिएको बाणिज्य, आपूर्ति तथा उपभोक्ता संरक्षण कार्यालय नेपालगञ्जका प्रमुख हरि बहादुर खत्रीले बताए ।
कुनै पनि सामान उत्पादन गरेपछि अनिवार्यरुपमा त्यसको एमआरपी राख्नुपर्नेमा त्यसो नगरेको पाइएपछि उपभोक्ता संरक्षण ऐन २०७५, को दफा ३८ को खण्ड (ङ) बमोजिम जरिवाना गरिएको हो ।
Advertisement
टिप्पणीहरू