२१ जेठ, बाँके । बाँकेको नेपालगञ्ज उपमहानगरपालिका वडा नं. २१ मा हनुमान मन्दिर निर्माण हुने भएको छ । नेपालगञ्ज–२१ पुरैनामा वडाको पाँच लाख लागतमा मन्दिर निर्माण थालिएको हो ।
आज एक कार्यक्रम बीच मन्दिरको शिलान्यास गरिएको छ । नेपालगञ्ज–२१ का वडाध्यक्ष राजकुमार साहुले पुजापाठ गरी हनुमान मन्दिरको शिलान्यास गरेका हुन ।
कुल १० लाख लागतमा निर्माण हुन लागिएको मन्दिर पुरैना जाने मुल बाटोको छेउमा रहेको वडाध्यक्ष साहुले जानकारी गराए ।
Advertisement
उनका अनुसार वडाको पाँच लाख र बाहिरी श्रोतबाट पाँच लाख गरेर कुल १० लाखको लागतमा योजना अगाडि बढाइएको हो ।
Advertisement
चालुआर्थिक वर्षको असार मसान्त सम्म सम्पन्न हुने गरी कार्य अगाडि बढाइएको र केही निर्माण हुन बाँकी रहेमा आगामी आर्थिक वर्षमा बजेट विनियोजन गरेर निर्माण सम्पन्न गर्ने गरी कार्य अगाडि बढाइएको वडाध्यक्ष साहुले जानकारी गराए ।
Advertisement
टिप्पणीहरू