टेकु स्थित ढलभित्र फसेका एक व्यक्तिको उद्धार

२५ फाल्गुन, काठमाडौँ । काठमाडौँ महानगरपालिका टेकु स्थित ढलभित्र फसेका एक व्यक्तिको उद्धार गरिएको छ ।

महानगरपालिका–२ टेकुस्थित कनक पेट्रोल पम्प नजिकैको ढलभित्र छिरेका पुरुषलाई विपद् व्यवस्थापन महाशाखा सामाखुसीको टोलीले उद्धार गरेको हो ।

Advertisement

आइतबार बिहान ६:४५ बजे उनी ढलमा खसेका थिए । ढलमा खसेको जानकारी पाउनसाथ प्रहरीको विपद् व्यवस्थापनको टोलीले उद्धार गरेको हो । प्रहरीका अनुसार उद्धार गरिएका व्यक्ति सुस्त मनस्थितिको रहेका छन् । उपचारका लागि राष्ट्रिय ट्रमा सेन्टरमा लगिएको प्रहरीले जनाएको छ ।

उद्धार गरिएका व्यक्तिको परिचय खुल्न बाँकी रहेको प्रहरीले जनाएको छ ।

Advertisement