२८ मंसिर, काठमाडौँ । झापामा अमेरिकी डलर सहित एक जनालाई नियन्त्रणमा लिएको छ ।
कमल गाउँपालिका-३ पूर्वपश्चिम लोकमार्गअन्तर्गत स्थित केर्खाबाट अमेरिकी डलर सहित गौरादह नगरपालिका-५ का २५ वर्षीय मोहम्मद नौसाद मियाँलाई प्रहरीले पक्राउ गरेको हो ।
Advertisement
जिल्ला प्रहरी कार्यालयका प्रवक्ता प्रहरी नायब उपरीक्षक कृष्ण कुमार चन्दका अनुसार पूर्वपश्चिम लोकमार्गमा सवारीसाधन जाँच गर्ने क्रममा दमकबाट बिर्तामोड तर्फ जाँदै गरेको प्रदेश १-०२-००१ख ९५३० नम्बरको यात्रुबाहक बसमा सवार मियाँले बोकेको झोला जाँच गर्दा स्रोत नखुलेको डलर एक सय दरका दुई सय ९७ थान फेला परेको हो ।
घटनाका सम्बन्धमा इलाका प्रहरी कार्यालय दमकबाट थप अनुसन्धान भइरहेको छ ।
Advertisement
टिप्पणीहरू