४ कात्तिक, काठमाडौँ । सवारी चालकले अब सजिलै संग नागरिक एप मार्फत जरिवाना तिर्न सक्ने भएका छन् । ट्राफिक नियम उल्लङ्घन गरेबापत ट्राफिक प्रहरीले ई-चलान दिनेभएको छ ।
आज देखि सवारी नियम उल्लङ्घन गर्ने चालकलाई ‘ई-चलान’ दिने र तत्कालै नागरिक एप मार्फत जरिवाना तिर्न सक्ने प्रणाली कार्यान्वयनमा ल्याउन लागेको काठमाडौं उपत्यका ट्राफिक प्रहरी कार्यालयले जनाएको छ ।
Advertisement
सवारी नियम उल्लङ्घनमा ट्राफिक प्रहरीले चिट काट्दा सम्बन्धित ठाउँमै ‘डिजिटल पेमेन्ट’ गर्ने व्यवस्था गरिएसँगै सवारी नियम उल्लङ्घनमा जरिवाना तिर्दा हुँदै आएको झन्झट अब अन्त्य हुने विश्वास गरिएको छ ।
प्रहरी नायब महानिरीक्षक भरतबहादुर बोहराका अनुसार पहिलो चरणमा काठमाडौं, भक्तपुर र ललितपुर जिल्लामा डिजिटल चिट व्यवस्था कार्यान्वयनमा ल्याइनेछ । डिजिटल चिट काट्नका लागि ट्राफिक प्रहरीलाई छुट्टै डिभाइस उपलब्ध गराइएको छ ।
Advertisement
यो व्यवस्था कार्यान्वयनमा आएसँगै अब सवारी चालकले चालक अनुमतिपत्र बोक्नु नपर्ने र ट्राफिक प्रहरीलाई नागरिक एपमार्फत चालक अनुमतिपत्र देखाउन सक्नेछन् ।
नागरिक एपमा चालक अनुमतिपत्र रहेको क्यूआर कोड देखाउने व्यवस्था गरिएको छ ।
Advertisement
टिप्पणीहरू