संजय कुशवाहा
१९ असोज, नवलपरासी । पश्चिम नवलपरासीको सुनवल माईक्रोबसको ठक्करबाट एक जनाको मृत्यु भएको छ ।
सुनवल नगरपालिका वडा नं. ७ ज्यामिरे चोक स्थित पुर्व-पश्चिम राजमार्गमा बुटवलबाट बर्दघाट तर्फ जाँदै गरेको लु १ ख ८४५३ नम्बरको माइक्रोबसले सोही दिशा तर्फ जादै गरेको लु ७९ प ९१४० नं. मोटरसाइकललाई ठक्कर दिएको प्रहरीले जनाएको छ ।
Advertisement
मोटरसाइकललाई ठक्कर दिँदा रुपन्देही तिलोत्तमा नगरपालिका वडा नं. ६ – १० नम्बरको टोल बस्ने वर्ष ३२ को ऋिषि लम्तरी र सोही ठाउँको मोटरसाइकल पछाडि बसेका बर्ष २९ को बिवेक गुरुङको दुवै खुट्टा र अनुहारमा चोट लागेको छ ।
घाइते दुबै जनालाई उपचारको लागि भलुही मेडिकल कलेज रुपन्देही पठाएकोमा मोटरसाइकल चालक ऋिषि लम्तरीलाई ६ः३५ बजे डाक्टरले मृत घोषणा गरेको थियो । माइक्रोबस र चालक प्रहरी नियन्त्रणमा रहेको जिल्ला प्रहरी कार्यालयका सूचना अधिकारी प्रहरी नायव उपरीक्षक रेशम बोहरा बताए ।
Advertisement
टिप्पणीहरू