१० असोज, काठमाडौँ । इजरायली सेनाले लेबनानमा प्रवेश गरेर स्थल मार्गबाट पनि आक्रमण गर्ने योजना बनाएको छ ।
इजरायली सेना प्रमुखले स्थलमार्गबाट लेबनानमै पुगेर आक्रमण गर्न सक्ने संकेत गरेको बीबीसीले रिर्पोट गरेको छ ।
Advertisement
’हवाई आक्रमणले शत्रुको क्षेत्रमा प्रवेश गर्ने बाटो खोल्न सक्छ,’ लेफ्टिनेन्ट जनरल हजरी हेलेवीले आफ्ना सैनिकहरूलाई भनेका छन्, ’तपाईंले लडाकु विमानको आवाज सुन्नुभयो । दिनभर हमला गरिरह्यौं । यसको उद्देश्य लेबनानमा प्रवेशको लागि सम्भावित बाटो खोल्नु र हिजबुल्लाहलाई लक्षित गर्नु हो।’
लेबनानका स्वास्थ्य मन्त्रीले सेप्टेम्बर २५ मा भएको हवाई हमलामा ५० जनाको मृत्यु भएको बताएका छन् ।
Advertisement
इजरायलका अनुसार यी आक्रमणमा हिजबुल्लाहको गुप्तचर निकाय, लन्चर र हतियार भण्डारण स्थललाई निशाना बनाइएको थियो ।
चर्किरहेको परिस्थितलाई मत्थर पार्नका लागि कूटनीतिक प्रयासहरू भइरहँदा र फ्रान्स र अमेरिकाले २१ दिने युद्ध विराम प्रस्ताव गरेका छन् ।
Advertisement
– एजेन्सी
Advertisement
टिप्पणीहरू