१० असार, बर्दिया । बर्दियाको मधुवनबाट लागूऔषध सहित एक जनालाई प्रहरीले पक्राउ गरेको छ ।
मधुवन नगरपालिक वडा नं. ७ दशरथबस्तीबाट सोही पालिकाको वडा नं.७ तारातालका ३२ वर्षिय धिरज कुमार चौधरीलाई चेकजाँच गर्ने क्रममा लागूऔषध बरामद भएको जिल्ला प्रहरी कार्यालय बर्दियाले जनाएको हो ।
Advertisement
गएराति करिब साढे ११ बजेको समयमा इलाका प्रहरी कार्यालय ढोढरीबाट बिशेष सुचनाको आधारमा खटिएको प्रहरी टोलीले चेकजाँच गर्ने क्रममा ९ पुडिया ब्राउन सुगर जस्तो देखिने खैरो धुलो पदार्थ बरामद भएको प्रहरी प्रवक्ता एवं सूचना अधिकारी तुल्सीराम अर्चालले जानकारी दिए ।
खैरो धुलो पदार्थ प्लाष्टिक सहित ९ ग्राम २० मिलिग्राम र शुद्ध तौल ८ ग्राम २० मिलिग्राम उनको साथबाट फेला पारेको प्रहरीले जनाएको हो ।
Advertisement
उनलाई नियन्त्रणमा लिएर इलाका प्रहरी कार्यालय ढोढरीले थप अनुसन्धान गरीरहेको जनाएको छ ।
Advertisement
टिप्पणीहरू