२९ माघ, काठमाडौँ । साउदी अरबमा मदिरा सेवन र उत्पादन गरेर विक्री वितरण गरेको आरोपमा सयौंको संख्यामा नेपालीहरु जेल परेका छन ।
बैदेशिक रोजगारको शिलसिलामा करिब चार लाख नेपाली साउदी रहेका बीबीसीले दावी गरेको छ । आम्दानी हुने लोभमा नेपालीहरु मदिरा सेवन र वेचविखन सम्बन्धित कसुरमा पर्ने गरेका नेपाली राजदूतावासका प्रथम सचिव टोपनारायण गिरीले बताए ।
Advertisement
यद्यपी श्रम गन्तव्य प्रस्थान गर्नुअघि ती देशहरुमा गर्न नहुने गतिविधिहरु बारे नेपाली श्रम अधिकारीहरुले अभिमुखीकरण गर्ने गरेका छन । तर यसलाई अझ सशक्त बनाउनुपर्ने आवश्यकता रहेको अधिकारीले नै बताउँछन ।
रियाद स्थित नेपाली राजदूतावासका अनुसार साउदी अरबको जेल प्रशासनले उपलब्ध गराएको आँकडालाई उद्धृत गर्दै करिब ४ सय ८० नेपाली उक्त खाडी देशका जेलहरूमा रहेको जनाएको छ ।
सचिव गिरीले वास्तविक सङ्ख्या त्यो भन्दा बढी हुनसक्ने बताए ।
Advertisement
सात दशकदेखि मदिरा माथि प्रतिबन्ध लगाएको साउदी अरबमा मदिरा राख्ने वा बेचबिखन गर्नेलाई जरिवाना गराउने देखि जेलमा थुन्ने र कोर्रा हान्नेसम्मको सजाय तोकिएको छ ।
ज्यानुअरीको अन्तिम साता साउदी अरबले गैर मुस्लिम कूटनीतिज्ञहरूका निम्ति मदिरा बिक्री गर्ने अनुमति दिन लागेको घोषणा गरेको थियो ।
Advertisement
टिप्पणीहरू