११ मङ्सिर, बाँके । बाँकेको नेपालगन्जमा आइतबार साझ भएको सडक दुर्घटनाको विषयमा पिडित परिवार आन्दोलित भएको छ ।
चालकलाई कारबाही र उचित क्षतिपुर्ति माग गर्दै नेपालगन्जको धम्बोझी चोकमा पिडित परिवार तथा आफन्तले सोमबार दिउँसो सडक अवरुद्ध गरेका हुन ।
Advertisement
नेपालगन्ज उपमहानगरपालिका वडा नम्बर १ धम्बोझी चोकमा नेपालगन्ज वडा नम्बर १७ थुकैला निवासी दिलिपकुमार पाठकले चलाएको भे ११ प ७६५७ नम्बरको मोटरसाईकललाई ना ३ ख ८८५२ नम्बरको ट्यांकरले ठक्कर दिएको थियो ।
ठक्करबाट मोटरसाईकलमा पछाडी सवार बालिकाको घटनास्थलमै मृत्यु भएको थियो । ठक्करबाट सालिनीका बुवा पाठक घाइते भएका छन् । उनको अहिले पनि उपचार भइरहेको छ । सोही घटनाको छानविन गरेर दोषीलाई कार्वाही गर्न माग सहित धमबोझी चोक तनावग्रस्त बनेको छ ।
Advertisement
चालकलाई कारबाही र पीडित परिवारलाई उचित क्षतिपुर्ति माग गर्दै उनीहरुले एक घण्टादेखी धम्बोझी चोकमा टायर बालेर सडक अवरुद्ध गरेको जिल्ला प्रहरी कार्यालय बाँकेले जनाएको छ ।
Advertisement
टिप्पणीहरू