१२ कार्तिक, बाँके । सशस्त्र प्रहरी बल जयसपुर विओपीले दशगजा नजिकबाट मोटरसाइकल सहित एक लाख रुपैयाँ भन्दा बढीको आटोपार्ट बरामद गरेको छ ।
जानकी गाऊंपालिका वडा नम्बर १ पचपोखरा स्थित दशगजा नजिकबाट सशस्त्र प्रहरीले आज साँझा ५ बजे युपी ४० इ एफ ४३७६ नम्बरको मोटरसाइकलसहित १ लाख ११ हजार छ सय ३३ रुपैयाँ बराबरको आटोपार्ट बरामद गरेको हो ।
Advertisement
शसस्त्र प्रहरी बल विओपी जयसपुरबाट सशस्त्र प्रहरी निरिक्षक राम बहादुर खत्री कमाण्डमा खटिएको सात जनाको मोबाइल गस्ती टोलीलाई देखेर अवैधरुपमा सामान ल्याउँदै गरेको व्यक्ति मोटरसाइकल र सामान छोडेर भोगपछि ती सामग्री बरामद गरेर ल्याइएको सशस्त्र प्रहरी निरिक्षक खत्रीले जानकारी दिए ।
नेपालगञ्ज ल्याउन लागिएको चिनी र प्याज विशेष सूचनाका आधारमा स.प्र.नि राम बहादुर खत्रीको टोलीले उक्त अवैध चिनी प्याज पनी बरामद गरेको हो ।
बरामद गरिएका चिनी र प्याज आटोपार्टको अंदाजी मूल्य १ लाख ४३ हजार ५ सय ३३ रुपैयाँ रहेको छ । उक्त सामान र मोटरसाइकल आवश्यक कारबाहीका लागि नेपालगञ्ज भन्सार कार्यालय बुझाइएको सशस्त्र प्रहरी निरिक्षक खत्रीले जानकारी गराए ।
Advertisement
टिप्पणीहरू