१९ भदौ, बाँके । बाँकेको खजुरा गाँउपालिकामा ब्लड बैंक स्थापना गरिएको छ । खजुरा गाँउपालिका वडा नं. ७ सुशिल कोईराला प्रखर परोपकार मिसन अस्पतालमा ब्लड बैंकको स्थापना गरिएको हो ।
खजुरा गाँउपालिकाको आर्थिक सहयोगमा ब्लड बैंकको स्थापना गरिएको प्रशासकीय अधिकृत अजुन सुवेदीले जानकारी दिए । रक्तको कमि झेल्दै आएको खजुरा गाँउपालिका मात्रै नभई अन्य पालिका तथा जिल्लाहरुलाई समेत यस ब्लड बैंकले सहयोग पुर्याउने विस्वास लिईएको छ ।
Advertisement
मंगलबार एक कार्यक्रम बीच संघीय संसद किशोर सिंह राठौरले उक्त ब्लड बैंकको उद्धाटन गरेका छन । सांसद राठौरले आफुबाट हुने सहयोगका लागि सधै तत्पर रहने बताएका छन ।
गाँउपालिका अध्यक्ष डम्बर बहादुर बि.क. (तुफान) को पहल तथा नेपाल रेडक्रस सोसाईटी बाँके र सुशील कोइराला क्यान्सर अस्पतालको सहकार्यमा ब्लड बैंकको स्थापना गरिएको हो ।
Advertisement
पश्चिम क्षेत्रका लुम्बिनी प्रदेश, कर्णाली प्रदेश र सुदुरपञ्चिम प्रदेशको छाया अस्पताल रहेको सुशील कोइराला क्यान्सर अस्पतालमा लाभ लिन आउने सेवाग्राहीलाई रक्त अभाव हुदाँ नेपालगञ्ज र कोहलपुर धाउनुपर्ने बाध्यता अन्त्य भएको छ ।
यो क्यान्सर अस्पताल नेपालको अन्य अस्पतालको तुलनामा तेस्रो स्थानमा रहेको अस्पताल प्रशासनले जनाएको छ । उद्धाटन समारोमा विभिन्न संघ संस्थामा आवद्ध व्याक्तित्वहरुले रक्तदान समेत गरेका थिए ।
Advertisement
उद्धाटन समारोहमा लुम्बिनी प्रदेश क्षेत्र नं ३ ‘ख’ का संसद बादशाह कुर्मीको समेत उपस्थिती रहेको थियो ।
Advertisement
टिप्पणीहरू