२६ माघ, बाँके । बाँकेको नेपालगञ्ज स्थित वाटरपार्कबाट लागू औषध ब्राउन सुगर जस्तो पदार्थ सहित तीन जनालाई प्रहरीले पक्राउ गरेको छ ।
नेपालगञ्ज उपमहानगरपालिका वडा नं. १ वाटरपार्क स्थितबाट रुकुम पश्चिम सानोभेरी नगरपालिका १० का २८ वर्षिय तिलक डाँगी, ३५ वर्षिय बिनोद कुमार गौतम र ३३ वर्षिय सोनिराम के.सी.लाई बाँके प्रहरीले नियन्त्रणमा लिएको जिल्ला प्रहरी कार्यालय बाँकेले जनाएको हो ।
Advertisement
उक्त स्थानमा लागू औषधको कारोवार भइरहेको गोप्य सूचनाको आधारमा जिल्ला प्रहरी र लागू औषध नियन्त्रण ब्युरो नेपालगञ्जबाट खटिएको संयुक्त प्रहरी टोलिले चेकजाँच गर्ने क्रममा डाँगीले लगाएको ज्याकेटको खल्तिमा लागू औषध ब्राउन सुगर जस्तो देखिने धुलो पदार्थ ५० ग्राम सहित बरामद गरेको हो ।
उनको साथमा रहेका अन्य दुई जनालाई समेत नियन्त्रणमा लिएर थप आवश्यक अनुसन्धान अघि बढाईएको प्रहरीले जनाएको हो ।
Advertisement
टिप्पणीहरू